ବିଚାରପତିଙ୍କ ବିଦ୍ରୋହ ଓ ସଂସଦରେ ମହାଭିଯୋଗକୁ ସମ୍ଭାଳିବା ଥିବା ପ୍ରଥମ ବିଚାରପତି ଦିପକ କୁମାର ମିଶ୍ର

ଭୁବନେଶ୍ୱର: ସୁପ୍ରିମକୋର୍ଟର ମୁଖ୍ୟ ବିଚାରପତି ଦିପକ କୁମାର ମିଶ୍ରଙ୍କର ବିଚାରପତି ଭାବରେ ଆଜିଥିଲା ଶେଷ କାର୍ଯ୍ୟ ଦିବସ। ସୁପ୍ରିମକୋର୍ଟର ବରିଷ୍ଠ ବିଚାରପତି ବିଦ୍ରୋହକୁ ସମ୍ମୁଖୀନ ହେବାରେ ମୁଖ୍ୟ ବିଚାରପତି ଦିପକ କୁମାର ମିଶ୍ର ହେଉଛନ୍ତି ବିଚାର ବିଭାଗ ଇତିହାସରେ ଏକମାତ୍ର ବିଚାରପତି ଭାବେ ମନେ ରହିବେ। କେବଳ ସେତିକି ନୁହେଁ, ତାଙ୍କ କାର୍ଯ୍ୟକାଳ ସମୟରେ ସୁପ୍ରିମକୋର୍ଟର ବରିଷ୍ଠ ଆଇନଜୀବୀ ତଥା କଂଗ୍ରେସ ନେତା କପିଲ ସିବଲ ସଂସଦରେ ତାଙ୍କ ବିରୋଧରେ ମହାଭିଯୋଗ ପ୍ରସ୍ତାବ ଆଗତ କରିଥିଲେ। ଏହା ପରେ ଆଲୋଚନା ହେବାରେ ବିଫଳ ହୋଇଥିଲା। ମୁଖ୍ୟ ବିଚାରପତି ଦିପକ କୁମାର ମିଶ୍ର ତାଙ୍କ କାର୍ଯ୍ୟକାଳ ମଧ୍ୟରେ ଅନେକ ଐତିହାସିକ ରାୟ ଦେବା ସହିତ ସୁପ୍ରିମକୋର୍ଟର ବିଚାର ପ୍ରକ୍ରିୟାର ସିଧା ପ୍ରସାରଣ ପାଇଁ ଅନୁମତି ଦେଇ ବିଚାର ବିଭାଗ ଇତିହାସରେ ନୂଆ ଅଧ୍ୟାୟ ସୃଷ୍ଟି କରିଛନ୍ତି।

ମୁଖ୍ୟ ବିଚାରପତି ଭାବେ ବିଚାରପତି ଦିପକ କୁମାର ମିଶ୍ରଙ୍କ କାର୍ଯ୍ୟକାଳ ୧୩ମାସ ୫ଦିନ ରହିଥିଲା। ଏହି ସମୟ ମଧ୍ୟରେ ତାଙ୍କ କାର୍ଯ୍ୟଶୈଳୀକୁ ଅନେକ ବାଦ ବିବାଦ ଉପୁଜିଛି। ସୁପ୍ରିମକୋର୍ଟର ବିଚାରପତି ଓ ଓକିଲମାନେ ବିଭିନ୍ନ ଖଣ୍ଡପୀଠରେ ମାମଲା ବଣ୍ଟନରେ ତାଙ୍କ କାର୍ଯ୍ୟ ପ୍ରଣାଳୀ, ସମ୍ୱିଧାନ ପୀଠ ମାମଲାରେ ସୁପ୍ରିମକୋର୍ଟର ନୂଆ ବିଚାରପତିଙ୍କୁ ସାମିଲ କରିବା ନେଇ ତାଙ୍କ ବିରୋଧରେ ଅଭିଯୋଗ ହୋଇଥିଲା।

ସ୍ୱତନ୍ତ୍ର ଅଦାଲତର ବିଚାରପତି ବି.ଏଚ.ଲୋୟାଙ୍କ ମୃତ୍ୟୁ ମାମଲା ସମେତ ଗୁରୁତ୍ୱପୂର୍ଣ୍ଣ ମାମଲାକୁ ବିଚାର ପାଇଁ ତାଙ୍କ ପସନ୍ଦର ବେଞ୍ଚକୁ ଦିଆଯାଇଥିଲା। ମୁଖ୍ୟ ବିଚାରପତିଙ୍କ ବିରୋଧରେ ବିଦ୍ରୋହ କରିଥିବା ୪ଜଣ ବିଚାରପତି ମଧ୍ୟ ବିଚାରପତି ବି.ଏଚ.ଲୋୟାଙ୍କ ବିଚାର ମାମଲାରେ ଅସନ୍ତୋଷ ପ୍ରକାଶ କରି ମିଡିଆ ସାମ୍ନାରେ ଉଠାଇଥିଲେ।

ଏହାପରେ ବରିଷ୍ଠତାରେ ୨ୟ ସ୍ଥାନରେ ଥିବା ବିଚାରପତି ଜେ. ଚେମେଲେଶ୍ୱର ଲକ୍ଷ୍ନୌର ଏକ ମେଡିକାଲ କଲେଜରେ ନାମ ଲେଖାକୁ ନେଇ ଯେଉଁ ଦୁର୍ନୀତି ହୋଇଥିଲା, ସେଥିରେ ଜଡିତ ଅପରାଧିଙ୍କୁ ଏସଆଇଟି ତଦନ୍ତ ପାଇଁ ଆଗତ ଆବେଦନ ଉପରେ ୫ଜଣ ନ୍ୟାୟାଧିକଙ୍କୁ ନେଇ ବେଞ୍ଚ ଗଠନ କରିଥିଲେ। ୨୦୧୭ ନଭେମ୍ୱର ୯ତାରିଖରେ ବିଚାରପତି ଚେମେଲେଶ୍ୱା ଯେଉଁ ରାୟ ଦେଇଥିଲେ ପରଦିନ ୫ଜଣିଆ ବିଚାରପତି ଖଣ୍ଡପୀଠ ତାହାକୁ ବଦଳାଇ ଦେଇଥିଲେ। ଏହାକୁ ନେଇ ମୁଖ୍ୟ ବିଚାରପତିଙ୍କ ବିରୋଧରେ ସ୍ୱର ଉଠିଥିଲା। ବରିଷ୍ଠ ଆଇନଜୀବୀ ପ୍ରଶାନ୍ତ ଭୂଷଣ ସମେତ ଅନେକ ଆଇନଜୀବୀ ୧ନଂ କୋର୍ଟ ବିରୋଧରେ ସ୍ୱର ଉତ୍ତୋଳନ କରିଥିଲେ।

ମୁଖ୍ୟ ବିଚାରପତି ଶ୍ରୀ ମିଶ୍ରଙ୍କ କାର୍ଯ୍ୟ ପ୍ରଣାଳୀ ବିରୋଧରେ ତାଙ୍କ ସହକର୍ମୀ ବିଚାରପତିମାନେ ପ୍ରଶ୍ନ ଉଠାଇଥିଲେ। ଏହି ଅଭିଯୋଗ ଉପରେ କିଛି ଓକିଲ ବି ପରେ ସାମିଲ ହୋଇଥିଲେ। କିନ୍ତୁ ମୁଖ୍ୟ ବିଚାରପତି ଶ୍ରୀ ମିଶ୍ର ନିଜର ଶାନ୍ତ ସ୍ୱଭାବ ଓ କୌଶଳ ବଳରେ ଏପରି ଅଭିଯୋଗକୁ ନୀରବରେ ଖାରଜ କରିଦେଇଥିଲେ।

Add a Comment

Your email address will not be published. Required fields are marked *


3 + five =